10.12.2016 Adventswanderung auf die Sankt Martinhütte

Schönes Wetter und kein Schnee begleiteten uns hinauf. Wir sangen Weihnachtsliedern und Siegi gab sein Adventsgedicht zum besten:

 

Uns geht´s guat.

Von Siegi Mühlbauer

 

Es ist Adventszeit und du gehst in d´Stodt.

Weils in deinm Geldbeitl gnua Geld drin hot.

Du drängst di zwischn de hauffa Leit

Und denkst dir, warum de alle do sei miassn, grod heit.

 

Du gehst von oan zum andern Lodn, es is saukalt,

aber weils usus is und weil der Dog halt grod um Weihnachtn fallt.

Gschenke wuist kaffa und woast net wos,

kriagst langsam Panik und de werst a net los.

A Rennerei, a Hetzerei und jeder hots gschaftig,

zu dera Zeit san Preise extra saftig.

Durch d`Fuasgängerzone werst gschobn, do kummst net raus,

der Weihnachtsrummel lasst auch di net aus.

 

Auf oamai stockst, ja wos is denn do am Bodn,

sitzt oana mit lange schwarze Hoor und dreckigem Lodn.

An da Kirch loahnt er, an der kaltn Wand,

an Becher mit a paar Cent, er schaut aus wia oana von an fremden Land.

 

Er spuit auf da Mundharmonika a Weihnachtsliad,

seine Augn san zua, weil er hoit scho recht miad.

Und du gehst weiter mit deine Packerln im Arm,

auf oamoi werds dir ums Herz rum ganz warm.

 

Du gehst zruck und hörst no moi zua,

er spuit grad de Melodie von da himmlischen Ruah,

du schmeist eahm an Euro in sein Becher nei,

ach wos, no oan, nacha sans zwoa.

Mia gengas net ob und er konns guat braucha,

weil eahm werds sicher de mehra Zeit schlaucha.

 

Jetzt macht er die Augn auf und schaut mi oh

Und i seh, wia er lächelt, da ältere Mo.

I scham mi glei mit meine vui Gschenka,

was wird der jetzt von mia denka.

 

Er sagt no a Wort es klingt a weng fremd

I hobs net verstandn, i hobs a net kennt.

Doch von seinem Gsicht her konn i lesn,

es is a Dankeschön gwesn.

 

I hör no moi zua für a kleine Weile,

er spuit von der heiligen Nacht grod die letzte Zeile.

 

Dann geh i weiter, froh zwecks der guatn Tat,

für oan der wirklich nix hat.

Mia is ganz weihnachtlich zu Muat

und denk man o gschamig,

mei uns geht´s doch guat.

asfdsadf asdf sadf sadf asdf sadf sd asd sd sadf sd s sad sdf asf y<xcysdf gew ztertdfg ru rthrehyxfbdr  7  rdj